सम्राट कदम
23 days ago
हिंदूराष्ट्र (hindurashtra) म्हणजे मुस्लिमद्वेष नव्हे...
ऑलंपीकवीर स्वप्नील कुसाळे यांनी हिंदू संस्कृती पुढे जावी म्हणजे हिंदू राष्ट्र आणखी मोठे होईल, असे वक्तव्य केले. त्यानंतर हिंदूराष्ट्र संकल्पनेबद्दल अनेक गैरसमज पसरविण्यात येत आहे. नक्की #हिंदूराष्ट्र म्हणजे मुस्लीम द्वेष आहे का? राष्ट्रीय स्वयंसेवक संघाचे (RSS) सरसंघचालक याबद्दल काय म्हणतात याचाच घेतलेला आढावा...
राष्ट्रीय स्वयंसेवक संघाचे सरसंघचालक डॉ. मोहन भागवत यांनी 2018 मध्येच नवी दिल्लीतील एका व्याख्यानमालेत हिंदूराष्ट्राबद्दल स्पष्टता केली आहे.
हिंदू राष्ट्र म्हणजे तेथे मुस्लिमांसाठी जागाच नसेल असे नव्हे. हिंदू राष्ट्र ही सर्व धर्मसमावेशक संकल्पना आहे, असं प्रतिपादन राष्ट्रीय स्वयंसेवक संघाचे सरसंघचालक मोहन भागवत यांनी केलं आहे.
संघ जागतिक बंधुभावाच्या संकल्पनेसाठी कार्यरत आहे आणि या बंधुभावाच्या संकल्पनेत विविधतेतून एकता अभिप्रेत आहे. राष्ट्रीय स्वयंसेवक संघाचं तत्वज्ञान हे प्रत्येकाला सोबत घेऊन जातं. हिंदू राष्ट्र म्हणजे तेथे मुस्लिमांना स्थानच नाही असं नाही. ज्या दिवशी असं म्हटलं जाईल त्या दिवशी हिंदुत्व संपेल. हिंदुत्व वसुधैव कुटुंबकम या संकल्पनेबद्दल बोलतो, असे ते म्हणाले.
हिंदुत्व हे भारतीय सांस्कृतिक मूल्यांचं सार आहे आणि विविध धर्म, विचारांच्या लोकांमध्ये बंधुभाव रुजवणं त्याचं उद्दिष्ट आहे, असं भागवत म्हणाले. तीन दिवसीय व्याख्यानमालेतील दुसऱ्या दिवसाच्या व्याख्यानात ते बोलत होते.
'हिंदुत्व ही संकल्पना भारतीयत्वच्या संकल्पनेशी समानता साधणारी आहे. ज्या सर्व भारतीय अभिप्रेत आहेत. ती विविधतेतून एकतेचं प्रतिक आहे. संघदेखील याच भारतीयत्वाच्या संकल्पनेत विश्वास ठेवतो,' असं ते म्हणाले.
हिंदू राष्ट्र म्हणजे अल्पसंख्यांकांचा द्वेष असे नव्हे तर ते इथले सांस्कृतिक मूल्य आहे.
- सम्राट कदम
Share With Friends
अभिप्राय
अभिप्राय लिहा
