विश्व संवाद केंद्र वृत्तसेवा (team vsk)
16 days ago
विश्व हिंदू परिषद आणि ढोल ताशा महासंघाचे आयोजन
पिंपरी, पुणे - पुण्यश्लोक राजमाता अहिल्यादेवी होळकर यांच्या ३०० व्या जयंती वर्षानिमित्ताने संत तुकाराम नगर परिसरातील नागरिक पुण्यश्लोक अहिल्यादेवींना अनोखी मानवंदना देणार आहेत.
विश्व हिंदू परिषद - बजरंग दल संत तुकाराम नगर व पिंपरी चिंचवड ढोल ताशा महासंघ यांच्या संयुक्त पुढाकाराने शनिवार दि.३१ ऑगस्ट २०२४ रोजी संध्याकाळी ठीक ५ वाजता शहरातील वल्लभनगर येथील पंडित दीनदयाळ उपाध्याय विद्यालय प्रांगणात तब्बल ३०० ढोल ताशांचे वादन होणार आहे. विश्व हिंदू परिषद हिरक महोत्सवी वर्ष आणि अहिल्यादेवींच्या त्रिशताब्दी जन्म वर्षानिमित्त आगळीवेगळी मानवंदना देऊन त्यांच्या अतुलनीय कार्याचा जागर केला जाणार आहे.
यावेळी परिसरातील विविध ढोल ताशा पथक, मान्यवर, प्रतिष्ठित नागरिक, लोकप्रतिनिधी उपस्थित राहणार असून या कार्यक्रमाला शहरातील नागरिकांनी उपस्थित राहण्याचे आवाहन आयोजकांनी केले आहे.
--
काय ? अहिल्यादेवी होळकरांना मानवंदना
कोठे? वल्लभनगर येथील पंडित दीनदयाळ उपाध्याय विद्यालय
केंव्हा? शनिवारी 31 ऑगस्ट संध्याकाळी पाच वाजता
- विश्व संवाद केंद्र वृत्तसेवा (team vsk)
Share With Friends
अभिप्राय
अभिप्राय लिहा
