विश्व संवाद केंद्र वृत्तसेवा (team vsk)
today
सामाजिक संस्थांसाठी 'एस-इक्वल' अंतर्गत मोफत प्रशिक्षण; ३० एप्रिलपर्यंत नोंदणीची संधी
पुणे: सामाजिक क्षेत्रात कार्यरत असलेल्या संस्थांना अधिक सक्षम, व्यावसायिक आणि शाश्वत बनवण्यासाठी 'विवेक व्यासपीठ' आणि 'विवेक स्पार्क फाउंडेशन' यांच्या वतीने 'एस-इक्वल' (S-Equal) या विशेष प्रशिक्षण प्रकल्पाचे आयोजन करण्यात आले आहे. 'ऑलस्टेट इंडिया प्रायव्हेट लिमिटेड' यांच्या सहकार्याने राबविण्यात येणारा हा प्रकल्प यंदा तिसऱ्या वर्षात प्रवेश करत आहे.
अनेक सामाजिक संस्था उत्तम काम करत असूनही, कागदपत्रांची पूर्तता किंवा सरकारी नियमांच्या माहितीअभावी मागे पडतात. सीएसआर (CSR) नोंदणी, दर्पण पोर्टलवरील नोंदणी आणि आवश्यक दस्तऐवजीकरण नसल्यामुळे निधी मिळवण्यात अडचणी येतात.बदलणारे कायदे, ऑडिट प्रक्रिया आणि अनुपालन (Compliance) यांमुळे संस्थांच्या व्यवस्थापनात अडथळे येतात.या सर्व समस्यांवर मात करून संस्थांना आत्मनिर्भर बनवणे, हा या प्रकल्पाचा मुख्य उद्देश आहे.
प्रशिक्षणाची ठळक वैशिष्ट्ये
• कालावधी: १ वर्षाचे सर्वसमावेशक प्रशिक्षण.
• सहयोग: प्रशिक्षण पूर्ण झाल्यानंतर पुढील दोन वर्षे संस्थांना प्रत्यक्ष मार्गदर्शन आणि सहयोग दिला जाईल.
• सहभागी: संस्थेच्या सर्व स्तरांतील सदस्यांना यात सहभागी होता येईल.
• शुल्क: हे संपूर्ण प्रशिक्षण विनामूल्य आहे.
• प्रगती: आतापर्यंत पुण्यातील ५० हून अधिक संस्थांनी या उपक्रमाचा यशस्वी लाभ घेतला आहे.
नोंदणी कशी करावी?
जून २०२६ पासून सुरू होणाऱ्या या बॅचसाठी नावनोंदणी प्रक्रिया सुरू झाली आहे. पुणे शहर आणि परिसरातील नोंदणीकृत सामाजिक संस्थांनी खालील तपशिलानुसार संपर्क साधावा:
• नोंदणीची अंतिम तारीख: ३० एप्रिल २०२६
• संपर्क क्रमांक: ७७९८८६००३६ / ९३२५२६९८८७
• ईमेल: sparceqal@gmail.com
"सामाजिक संस्थांची कार्यक्षमता, पारदर्शकता आणि दीर्घकालीन शाश्वतता वाढवण्यासाठी हा प्रकल्प एक महत्त्वाचा टप्पा ठरेल," असा विश्वास आयोजकांनी व्यक्त केला आहे.
- विश्व संवाद केंद्र वृत्तसेवा (team vsk)
Share With Friends
अभिप्राय
अभिप्राय लिहा
